¹ Kwathi ezinsukwini zik a-Ahazi indodana kaJothamu ka -Uziya, inkosi yakwaJuda, uResini inkosi yase-Aramu noPheka indodana kaRemaliya, inkosi yakwa-Israyeli, bakhuphukela eJerusalema ukulwa nalo , kepha babengenakulinqoba. ² Kwatshelwa indlu kaDavide ukuthi : I-Aramu limise kwa -Efrayimi. Yayisiqhaqhazela inhliziyo yakhe nenhliziyo yabantu bakhe njengemithi yasehlathini ithuthumela ngomoya. ³ Kepha uJehova wathi ku -Isaya: Mawuphume ukuhlangabeza u-Ahazi, wena noSheyari Jashubi indodana yakho, ngasekugcineni komsele wechibi lasenhla elingasendleleni yeNsimu Yomhlanzi, ⁴ usho kuye ukuthi : Xwaya, uthule; ungesabi, nenhliziyo yakho mayingadangali ngemisila emibili yalezi zikhuni ezithunqayo , ngokuvutha kolaka lukaResini ne-Aramu nolwendodana kaRemaliya. ⁵ Ngokuba i-Aramu no-Efrayimi nendodana kaRemaliya bacebile okubi ngawe, bathi: ⁶ Masikhuphukele kwelakwaJuda , silikhathaze, sizinqobele lona , sibeke inkosi phakathi kwalo, indodana kaThabeyeli, ⁷ ngalokho isho iNkosi uNkulunkulu, ithi: Akuyikuma, futhi akuyikwenzeka. ⁸ Ngokuba inhloko yase -Aramu iyiDamaseku , nenhloko yeDamaseku inguResini; phakathi kweminyaka engamashum i ayisithupha nanhlan u u- Efrayimi uyakwaphulwa angabe esaba yisizwe. ⁹ Inhloko yakwa -Efrayimi iyiSamariya , inhloko yeSamariya iyindodana kaRemaliya. Uma ningakholwa, impela aniyikuma. ¹⁰ UJehova waqhubeka ukukhuluma ku-Ahazi, wathi: ¹¹ Zicelele isibonakaliso kuJehova uNkulunkulu wakho , kujule endaweni yabafileyo, noma kuphakame phezulu. ¹² Kepha u-Ahazi wathi: Angiyikucela, futhi angiyikumlinga uJehova. ¹³ Wayesethi: Ake uzwe wena n dlu kaDavide! Kuncane kuwe ukukhathaza abantu, ukuze nimkhathaze noNkulunkulu wami futhi na? ¹⁴ Ngalokho iNkosi uqobo iyakukunika isibonakaliso : bheka, intombi iyakukhulelwa, izale indodana, ibize igama layo ngokuthi u-Imanuweli. ¹⁵ Uyakudla amangqanga nezinyosi aze azi ukwala okubi, akhethe okuhle. ¹⁶ Ngokuba umntwana engakazi ukwala okubi nokukhetha okuhle , izwe okhathazwa ngamakhosi omabili alo liyakushiywa. ¹⁷ UJehova uyakuletha phezu kwakho , naphezu kwabantu bakho , naphezu kwendlu kayihlo izinsuku ezingafikanga kusukela osukwini u -Efrayimi asuka ngalo kwaJuda -- yinkosi yase-Asiriya. ¹⁸ Kuyakuthi ngalolo suku uJehova ahlabele ikhwelo izimpukane ezingasekugcineni kwemifula yaseGibithe nezinyosi ezisezweni lase-Asiriya. ¹⁹ Ziyakufika, ziphumule zonke ezigodi ni ezineziwa , nasemifantwini yamadwala, nasemahlanzeni onke, nasemadlelweni onke. ²⁰ Ngalolo suku iNkosi iyakuphucula ngensingo eqashiweyo ngaphesheya koMfula yinkosi yase -Asiriya ikhanda noboya bezinyawo , futhi iyakuqeda nesilevu. ²¹ Kuyakuthi ngalolo suku indoda yondle isithole nezimvu ezimbili, ²² bese kuthi ngobuningi bobisi ezilwehlisayo idle amangqanga , ngokuba amangqanga nezinyosi bayakukudla bonke abasele ezweni. ²³ Kuyakuthi ngalolo suku yonke indawo lapho kukhona imivini eyinkulungwane, elingene nezi nhlamvu eziyinkulungwane zesiliva , ibe ngeyamakhakhasi nameva. ²⁴ Kuyakuyiwa khona nemicibisholo nomnsalo , ngokuba izwe lonke liyakuba ngamakhakhasi nameva. ²⁵ Ezintabeni zonke ezilinywa ngegeja akuyikuyiwa khona ngokwesaba amakhakhasi nameva , kepha ziyakuba ngezokuqhubela izinkabi nezokunyathela kwezimvu.