¹ Nanka amazwi encwadi uJeremiya , umprofethi, ayithumayo eseJerusalema kuyo insali yamalunga athunjiweyo , nakubapristi, nakubaprofethi, nakubo bonke abantu ayebathumbile uNebukadinesari eJerusalema , wabayisa eBabele, ² sebesukile uJekoniya inkosi , nendlovukazi, nabathenwa, nezikhulu zakwaJuda nezaseJerusalema , nezinyanga zomsebenzi , nabakhandi eJerusalema, ³ ngesandla sika-Eleyasa indodana kaShafani noGemariya indodana kaHilikiya abathunywa nguSedekiya , inkosi yakwaJuda , eBabele kuNebukadinesari inkosi yaseBabele, athi: ⁴ Usho kanje uJehova Sebawoti , uNkulunkulu ka -Israyeli, kubo bonke abathunjwa engibenzile ukuba bathunjwe eJerusa lema, bayiswe eBabele , uthi: ⁵ Yakhani izindlu, nihlale kuzo; tshalani amasimu, nidle izithelo zawo; ⁶ thathani abafazi , nizale amadodana namadodakazi ; thathelani amadodana enu abafazi , nendise amadodakazi enu emadodeni ukuba azale amadodana namadodakazi, nande khona, ninganciphi. ⁷ Funani ukuthula komuzi lapho nginithumbele khona , niwukhulekele kuJehova, ngokuba ekuthuleni kwawo niyakuba nokuthula. ⁸ Ngokuba usho kanje uJehova Sebawoti , uNkulunkulu ka -Israyeli, uthi: Maningakhohliswa ngabaprofethi abaphakathi kwenu nababhuli benu , ningawalaleli amaphupho enu eniwaphuphayo. ⁹ Ngokuba baprofetha amanga egameni lami ; angibathumanga, usho uJehova. ¹⁰ Ngokuba usho kanje uJehova , uthi: Lapho iminyaka engamashumi ayisikhombisa isiphelile eBabele , ngiyakunihambela, ngiqinise phezu kwenu izwi lami elihle ngokunibuyisela kule ndawo. ¹¹ Ngokuba ngiyazi mina imicabango engiyicabanga ngani , usho uJehova , imicabango yokuthula kungengeyobubi ukuba ngininike isikhathi esizayo nethemba. ¹² Niyakungibiza, niye ukukhuleka kimi, ngiyakunizwa. ¹³ Niyakungifuna, ningifumane, lapho ningifunisisa ngenhliziyo yenu yonke. ¹⁴ Ngiyakufunyanwa yinina , usho uJehova , ngibuyise ukuthunjwa kwenu , nginibuthe ezizweni zonke nasezindaweni zonke lapho nginixoshele khona, usho uJehova, nginibuyisele endaweni enganenza ukuba nithunjwe kuyo. ¹⁵ Ngokuba nishilo ukuthi: UJehova usivusele abaprofethi eBabele. ¹⁶ Ngokuba usho kanje uJehova ngenkosi ehlezi esihlalweni sobukhosi sikaDavide nangabo bonke abantu abahlala kulo muzi , abafowenu abangayanga nani ekuthunjweni, ¹⁷ yebo, usho uJehova Sebawoti, uthi: Bhekani, ngiyakuthuma kubo inkemba, nendlala, nesifo, ngibenze babe njengamakhiwane amabi angenakudliwa ngobubi bawo. ¹⁸ Ngiyakubalandela ngenkemba , nangendlala, nangesifo, ngibenze babe yingebhe emibusweni yonke yomhlaba , babe yisiqalekiso , nesimangaliso, nento encimfelwayo, nehlazo ezizweni zonke engibaxoshele kuzo, ¹⁹ ngokuba abawalalelanga amazwi ami , usho uJehova , engawathuma kubo ngezinceku zami abaprofethi , ngibathuma njalonjalo ; yebo, kanilalelanga, usho uJehova. ²⁰ Kepha yizwani manje izwi likaJehova nina nonke bathunjwa, enginithumile eBabele niphuma eJerusalema. ²¹ Usho kanje uJehova Sebawoti , uNkulunkulu ka -Israyeli, ngo-Ahabi indodana kaKholaya nangoSedekiya indodana kaMahaseya abaprofetha amanga kin i egameni lami , uthi: Bheka, ngiyakubanikela esandleni sikaNebukadinesari inkosi yaseBabele; uyakubabulala phambi kwamehlo enu. ²² Kubona kuyakuthathwa isiqalekiso yibo bonke abathunjwa bakwaJuda abaseBabele ngokuthi: UJehova makakwenze ukuba ube njengoSede kiya no- Ahabi abosiwa ngomlilo yinkosi yaseBabele, ²³ ngokuba benzile ubuwula kwa -Israyeli, baphinga nabafazi babakhelwane babo, bakhuluma amazwi amanga egameni lami engingabayalanga ngawo ; yimi engikwaziyo, ngingufakazi, usho uJehova. Izwi kuShemaya ²⁴ KuShemaya waseNehelamu uyakusho ukuthi: ²⁵ Usho kanje uJehova Sebawoti , uNkulunkulu ka -Israyeli, uthi: Ngenxa yokuba uthumile egameni lakho izincwadi kubo bonke abantu baseJerusalema, nakuZefaniya indodana kaMahaseya , umpristi, nakubo bonke abapristi, ngokuthi: ²⁶ UJehova ukubeke umpristi esikhundleni sikaJehoyada umpristi ukuba nibe yizinduna zabo bonke abantu abahlanyay o nabaprofethayo endlini kaJehova ukuze ubafake esitokisini nasemaketangeni; ²⁷ manje awumsolanga ngani uJeremiya wase-Anathoti, oprofetha kini na? ²⁸ Ngokuba ngalokho uthumile kithi eBabele , wathi: Kuse kude ; yakhani izindlu, nihlale kuzo; tshalani amasimu, nidle izithelo zawo. ²⁹ UZefaniya umpristi wayifunda le ncwadi ezindlebeni zikaJeremiya umprofethi. ³⁰ Lase lifika izwi likaJehova kuJeremiya, lithi: ³¹ Thuma kubo bonke abathunjwa , uthi: U sho kanje uJehova ngoShemaya waseNehelamu, uthi: Ngenxa yokuba uShemaya eprofethile kini , mina ngingamthumile, wanenza ukuba nethembe emangeni, ³² ngalokho usho kanje uJehova, uthi: Bhekani, ngiyakumhambela uShemaya waseNehelamu nenzalo yakhe ; akayikuba namuntu oyakuhlala phakathi kwalaba bantu, angaboni okuhle engiyakwenzela khona abantu bami , usho uJehova, ngokuba ukhulume ukuhlubuka kuJehova.