¹ UJehova wakhuluma kuMose naku-Aroni, wathi: ² Lokhu kuyisimiso somthetho uJehova ayalile ngaso ukuthi : Yisho kubantwana bakwa -Israyeli ukuba balethe kuwe isithole esibomvu esingenasici, singenansolo, okungazange kubekwe ijoka phezu kwaso, ³ nisinike u -Eleyazare umpristi , yena asikhiphel e ngaphandle kwekamu , sihlatshwe phambi kwakhe; ⁴ u-Eleyazare umpristi uyakuthabatha igazi laso ngomunwe wakhe , afafaze kasikhombisa ngaphambi kwetende lokuhlangana ngegazi laso, ⁵ isithole sishiswe phambi kwakhe , isikhumba saso , nenyama yaso , negazi laso, kanye nomswani waso kushiswe; ⁶ umpristi uyakuthabatha umsedari , nehisopi, nendwangu ebomvu , akuphonse phakathi kokushayo kwesithole. ⁷ Umpristi useyakuhlanza izingubo zakhe , ageze umzimba wakhe ngamanzi, andukuba angene ekamu, umpristi abe ngongcolile kuze kuhlwe. ⁸ Osishisayo uyakuhlanza izingubo zakhe ngamanzi , ageze umzimba wakhe ngamanzi, abe ngongcolile kuze kuhlwe. ⁹ Umuntu ohlambulukileyo uyakubutha umlotha wesithole , awubekele ngaphandle kwekamu endaweni ehlambulukileyo , ugcinelwe inhlangano yabantwana bakwa -Israyeli kube ngamanzi okuphothula ; kungumnikelo wesono. ¹⁰ Obutha umlotha wesithole uyakuhlanza izingubo zakhe , abe ngongcolile kuze kuhlwe ; kuyakuba yisimiso esiphakade kubantwana bakwa -Israyeli nakumfokazi ogogobeleyo phakathi kwabo. ¹¹ Othinta isidumbu somuntu uyakuba ngongcolile izinsuku eziyisikhombisa. ¹² Uyakuziphothula ngawo ngosuku lwesithathu , nangosuku lwesikhombisa uyakuhlambuluka; kepha uma engaziphothuli ngosuku lwesithathu , akayikuhlambuluka ngosuku lwesikhombisa. ¹³ Yilowo nalowo oth inta isidumbu somuntu ofileyo , angaziphothuli, uyangcolisa itabernakele likaJehova; lowo muntu uyakunqunywa ku-Israyeli, ngokuba amanzi okuphothula akafafazwanga ngawo ; uyakuba ngongcolile ; ukungcola kwakhe kuse kuye. Amanzi okuphothula ¹⁴ Nanku umthetho , uma umuntu efela etendeni : yilowo nalowo ongena etendeni nalowo osetendeni uyakuba ngongcolile izinsuku eziyisikhombisa. ¹⁵ Nazo zonke izitsha ezivulekileyo ezingenaso isisibekelo esiboshwe kuzo zingcolile. ¹⁶ Yilowo nalowo othinta endle obulewe ngenkemba , noma isidumbu, noma ithambo lomuntu , noma ithuna , uyakuba ngongcolile izinsuku eziyisikhombisa. ¹⁷ Abangcolileyo bayakuthatha umlotha wokushayo komnikelo wesono , namanzi agobhozayo ayakuthelwa kanye nawo esitsheni, ¹⁸ umuntu ohlambulukileyo athabathe ihisop i, aligcobhoze emanzini, afafaze ngawo itende , nezitsha zonke , nabantu ababelapho , nowathinta ithambo , noma ababuleweyo, noma abafileyo, noma ithuna, ¹⁹ umuntu ohlambulukileyo amfafaze ongcolileyo ngosuku lwesithathu nangosuku lwesikhombisa , amphothule ngos uku lwesikhombisa , ahlanze izingubo zakhe, ageze ngamanzi, ahlambuluke ngakusihlwa. ²⁰ Kepha umuntu ongcolayo engaziphothuli, lowo muntu uyakunqunywa phakathi kwebandla, ngokuba ungcolisile indlu engcwele kaJehova ; amanzi okuphothula akafafazwanga ngawo; ungcolile. ²¹ Kuyakuba yisimiso esiphakade kubo ; ofafaza amanzi okuphothula uyakuhlanza izingubo zakhe , nothinta amanzi okuphothula uyakuba ngongcolile kuze kuhlwe. ²² Lokhu umuntu ongcolileyo akuthintayo kuyakuba ngokungcolile ; umuntu okuthintayo uyakuba ngongcolile kuze kuhlwe.