¹ UBileyamu wathi kuBalaki : Ngakhele lapha ama -altare ayisikhombisa , ungilungisele lapha izinkunzi eziyisikhombisa nezinqama eziyisikhombisa. ² UBalaki wenza-ke njengalokho uBileyamu ekhulumile ; oBalaki noBileyamu banikela kulelo nalelo altare inkunzi nenqama. ³ UBileyamu wathi kuBalak i: Yima ngasemnikelweni wakho wokushiswa , mina ngihambe ; mhlawumbe uJehova angafika ukungihlangabeza ; konke angitshengisa khona ngiyakukutshela. Waya edulini elingenalutho. ⁴ UNkulunkulu wahlangana noBileyamu; yena wathi kuye: Sengilungisile ama- altare ayisikhombisa, nganikela ngenkunzi nangenqama kulelo nalelo altare. ⁵ UJehova wafaka izwi emlonyeni kaBileyamu , wathi: Buyela kuBalaki , ukhulume kanje. ⁶ Wayesebuyela kuye ; bheka, wayemi ngasemnikelweni wokushiswa , yena nazo zonke izikhulu zakwaMowabi. ⁷ Wayesethatha isisho sakhe , wathi: E-Aramu uBalaki ungilandile , inkosi yakwaMowabi ezintabeni zasempumalanga : woza ungiqalekisele uJakobe ; woza umdlelesele u-Israyeli. ⁸ Ngingamqalekisa kanjan i ongaqalekiswanga nguNkulunkulu na ? Ngingamdlelesela ongadleleselwanga nguNkulunkulu na? ⁹ Ngokuba ngisesiqongweni samadwal a ngiyambona, ngisemadulini ngiyambuka; bheka, kungabantu abahlala bodwa, abangayikubalwa phakathi kwezizwe. ¹⁰ Ngubani ongabala uthuli lukaJakobe , abale okwesine kuka-Israyeli, na? Mangife ukufa kolungileyo, nokuphela kwami makube njengokwakhe. ¹¹ UBalaki wathumela kuBileyamu , wathi: Wenzeni kimi na ? Ngakuthatha ukuba uqalekise izitha zami; bheka, uzibusisile nokuzibusisa. ¹² Waphendula wathi : Angiyikuqaphela ukukhuluma lok hu uNkulunkulu akufakile emlonyeni wami na? ¹³ UBalaki wayesethi kuye : Ake uze nami , siye kwenye indawo , lapho ungababona khona ; uyakubona inxenye yabo kuphela , ungaboni bonke ; ungiqalekisele bona uselapho. ¹⁴ Wamyisa ensimini yaseSofimu esiqongweni sasePisi ga, wakha ama -altare ayisikhombisa, wanikela ngenkunzi nangenqama kulelo nalelo altare. ¹⁵ Wathi kuBalaki : Yima lapha ngasemnikelweni wakho wokushiswa , mina ngilinde laphaya. ¹⁶ UJehova wayesehlangana noBileyamu, wafaka izwi emlonyeni wakhe , wathi: Buyela kuBalaki, ukhulume kanje. ¹⁷ Wayesefika kuye ; bheka, wayemi ngasemnikelweni wakhe wokushiswa , izikhulu zakwaMowabi zinaye . UBalaki wathi kuye : UJehova ukhulume ngokuthini na? ¹⁸ Wayesethatha isisho sakhe, wathi: Vuka, Balaki, uzwe; ngilalele, wena ndodana kaSipori: ¹⁹ uNkulunkulu akasiye umuntu ukuba aqambe amanga, nandodana yomuntu ukuba azisole ; ushilo, angayikukwenza, na? Ukhulumile, angayikukuphelelisa, na? ²⁰ Bheka, ngiyaliwe ukubusisa; yena ubusisile, anginakukubuyisa. ²¹ Akabonanga ingozi kuJakobe , akabukanga nankathazo kwa -Israyeli. UJehova uNkulunkulu wakhe unaye, nesenanelo senkosi siphakathi kwabo. ²² UNkulunkulu wabakhipha eGibithe; unjengezimpondo zenyathi kubo. ²³ Ayikho imilingo engamelan a noJakobe; akukho ukubhula okungamelana no-Israyeli; manje sek uyashiwo ngoJakobe nango -Israyeli ukuthi uNkulunkulu wenzeni. ²⁴ Bheka, abantu bavuk a njengengonyamakazi, nanjengengonyama bayaziphakamisa; abayikulala phansi, bengakayidli impango, baphuze igazi lababuleweyo. ²⁵ UBalaki wayesethi kuBileyamu : Ungabaqalekisi nokubaqalekisa, futhi ungababusisi nokubabusisa. ²⁶ Kepha uBileyamu waphendula, wathi kuBalaki: Angikutshelanga yini ukuthi konke uNkulunkulu akukhulumayo ngiyakukwenza na? ²⁷ Wathi uBalaki kuBileyamu : Ake uze , ngikuyise kwenye indawo ; mhlawumbe kungaba kuhl e emehlweni kaNkulunkulu ukuba ungiqalekisele bona uselapho. ²⁸ UBalaki wamyisa uBileyamu esiqongweni sasePeyori elibheke ngenzansi ngasehlane. ²⁹ UBileyamu wayesethi kuBalaki : Ngakhele lapha ama -altare ayisikhombisa, ungilungisele izinkunzi eziyisikhombisa nezinqama eziyisikhombisa. ³⁰ UBalaki wenza -ke njengalokho eshilo uBileyamu ; wanikela ngenkunzi nangenqama kulelo nalelo altare.